O Pogramo vaš e stipendie NewsSpectrum si lošalo te phenel tumege kaj le Evropako Romano Instituto vaš Arte thaj Kultura (ERIAC) avilo andre sar partenero kaj del pesko suporto. O NewsSpectrum del stipendiake granturja le žurnalisturjenge thaj avere media profesionisturjenge kaj keren buti andi media kaj si ande minoritetetngi čhib.
E žurnalisturja kaj keren buti vaš mediake lila andi romani čhib si akharde ilesa te keren aplikacia vaš i stipendia. O NewsSpectrum del duj verver stipendie: E Stipendie vaš Kolaborativo Raporturja save den vast vaš e raporturjenge projekturja kerde katar e žurnalisturja kaj keren buti andi media ande minoritetenge čhibja (vaj kerde katar independento kolaboratorja) save si len kooperacia jekhe žurnalistosa vaj mediasa andi madžoritarno čhib. I Stipendia vaš Prefesionalo Plasamento del vast e kotora butjake pi xarni vrjama vaj vizite studienge vaš e profesionisturja andar i minoritarno čhibjaki media ki media andi madžoritarno čhib.
Maj but informacie pal sol duj stipendie šaj arakhen pen ando NewsSpectrum websito. O angluno akharipe vaš e aplikacie putardjas pes ando 12-to aprilo thaj si te phandel pes ando 28-to majo. E stipendie adžukerel pes te inkeren duj kurke, ama si šajpe te oven fleksibilo. I buti telal e stipendie šaj te ovel kerdi orkana maškar i juni thaj o decembro 31, 2021.
E aplikanturja si zoraleste mangle te roden jekh raportosko partenero vaj hosto organizacia anglal te keren i aplikacia. Vi kadja, e partenerja le projektoske NewsSpectrum si putarde te keren konekcia andar e godjale aplikanturja ke lačhe hosto organizacie.
O NewsSpectrum si lošalo kaj o DW (Deutsche Welle) si te avel ando projekto sar madžoritarno čhibjako partenero andar e romane čhibjake mediake profesionisturja. O DW si te kerel jekh grupo andar e žurnalisturja thaj e alosarde aplikanturja vaš i stipendia kaj te oven dine vast. O Germaniako Internacionalo Nevimatengo kanalo kerel žurnalistikane informacie ande 30 čhibja. Ande lengo akanutno programo sikaven vi o dživipe le romengo thaj le sinturjengo andar i Evropa. https://www.dw.com/en/roma-in-europe/t-17359035.
E interesime aplikanturja šaj roden o ERIAC ko: timea.junghaus@eriac.org vaj o Instituto vaš Internacionalo Presa ko: mmiletic@ipi.media.
E mediake profesionisturja kaj mangen te keren aplikacia vaš i stipendia trebal te drabaren sasti deskripcia, e kondicie thaj le alosarimaske kriterie thaj le aplikaciake instrukcie kaj si ando websito katar o NewsSpectrum.
O NewsSpectrum si jekh khetani iniciativa le Institutoski vaš i Internacionalo Presa (IPI) thaj i Evropuni Asociacia vaš Diveseske Nevimatenge Lila ande Minoritarno thaj Regionalo Čhibja (MIDAS). Si jekh kotor pokindo sar projekto piloto katar le Evropaki Komisia (DG Connect).
Le Evropako Romano Instituto vaš Arte thaj Kultura (ERIAC) avilo akana ando programo sar partenero kaj del suporto.