Read in English

O Instituto vaš i Internacionalo Presa (IPI) thaj MIDAS del avri avdives, 12-to aprilo, o angluno akharipe vaš aplikacie andar e Stipendie NewsSpectrum.

I stipendia si putardi vaš e žurnalisturja thaj aver mediake pefesionisturja save keren buti andi media ande minoritetenge čhibja andar o EU (i romani čhib thaj e migranturjenge čhibja) thaj mangel te zorjarel e butjake parteneriaturja pal e nevimata ande čhibja le minoritetenge thaj le madžoritarurjenge.

O NewsSpectrum mangel te pokinel 40 stipendie ando 2021 vaš duj skeme: Kolaborativo Raporturja thaj Stipendie vaš Profesionalo Plasamento.

Tipurja stipendienge thaj palutno dives aplikaciako

I Stipendia vaš Kolaborativo Raporturja del vast e raporturjenge projekturja kerde katar e žurnalisturja kaj keren buti andi media xramosardi ande minoritarno čhibja (vi kodolen kaj si  independento kolaboratorja) kaj si len kolaboracia jekhe džurnalistosa minoritano čhibjako vaj jekhe mediake lilesa.

Le raportosko projekto šaj te lel samate orsavo subiekto kaj si ando publikano intereso thaj si relevanto andar i media thaj e organizacie. Sa kadalenca, si te del pes prioriteto le projekturenge kaj sikaven i specifično situacia vaj i perspektiva le minoritarno grupurjengi andar o EU vaj e relacie maškar e minoritarno thaj e madžoritarno grupurja. E projekturja kaj anen kontribucia te prindžaren pes e Evropune subiekturja andi minoritarno čhibjaki media si mišto dikhle. Savore tipurja raporturjenge si lile samate thaj e artikolurja šaj te oven dine avri ande orsavo formato. E digitalo/ audiovizualo vakjarimaske tehnike si mišto dikhle. E paramisja (vakjarimata) si adžukerde te oven dine avri katar le mediake lila andi minoritarno thaj madžoritarno čhib.

O palutno dives kana šaj bišalen pes e aplikacie vaš e Stipendie vaš Kolaborativo Raporturja si 28-to majo, 2021. Duj aver neve akharimata sa telal kadaja skema si te oven putarde andi juni thaj ando avgusto. Dikh i sasti informacia thaj palpale phenimata kathe (FAQ).

I Stipendia vaš Prefesionalo Plasamento del vast kotora butjake pi xarni vrjama ando plasamento vaj vizite studienge vaš e profesionisturja andar i minoritarno čhibjaki media ki media andi madžoritarno čhib. I stipendia si putardi savore membrurjenge andar o stafo le mediako, e žurnalisturja, e editorja, e fotožurnalisturja, nevimaske manadžerja, socialo mediake manadžerja, komunitetake manadžerja vaj o stafo kaj dikhel maj but o digitalo nevipe. Šaj keren aplikacia vi e independento kolaboratorja. Šaj te del vast vaš e kolaborativo džanimata thaj vaš e džanimaske paruvimata pal verver aspekturja le nevimatenge, vi pal nevimatenge raporturja, digitalo tranzicia, bisnisoke modelurja, audiencako thovipe andre thaj komunitetako barjaripe.

E aplikacie vaš i Stipendia vaš Prefesionalo Plasamento si te oven lile samata sastivrjama astarindos de avdives 12-to aprilo dži ando 28-to majo, 2021. Samo jekh akharipe si ando plano vaš i Stipendia vaš Prefesionalo Plasamento. Dikh i sasti informacia thaj palpale phenimata kathe (FAQ).

Kondicie thaj informacie pal i aplikacia

E minoritarno čhibjenge mediake profesionisturja šaj te len stipendia kana lenge mediako lil si bazisardo ando EU vaj ando UK thaj kana lesko kontento si maj cira 51% ande jekh regionalo vaj minoritarno čhib (kado lel samate e čhibja le migranturjenge thaj le romengi čhib). Drabar maj but pal e šajutne čhibja kathe. Le madžoritarno čhibjako partenero savesa kerel pes buti trebal te ovel andar o EU vaj andar o UK. E kolaboracie kaj nakhen e granice si mišto dikhle.

E stipendie po than si zorjarde, pal o cilo katar o NewsSpectrum te vazden pes lunge vrjamake parteneriaturja maškar i minoritarno thaj madžoritarno čhibjaki media. Kado si valido specialo andar i Stipendia vaš Prefesionalo Plasamento. Sa kadalenca, lindos samate i COVID-19 pandemia, e opcie ki distanca si šajutne, le kondiciasa kaj e aktiviteturja te oven kerde lačhes.

Generalo, sol duj stipendie adžukerel pes te inkeren 2 kurke, ama o inkeripe šaj te ovel fleksibilo. I buti telai i stipendia šaj te ovel kerdi orkana maškar i juni thaj decembro 31, 2021.

Le minoritetake čhibjako mediako manuš thaj le madžoritarno čhibjako raportosko partenero (hosto) šaj mangen sako jekh dži ke € 6,000 pe jekh stipendia. Vaš le minoritetake čhibjako mediako manuš, o granto šaj te učharel e love le salaroske (direkto pokinde palpale ke butjako than) thaj sa kadja, love vaš lokalo pokinimata (eks. sovimasko than, xabe, pibe). E transportoske love si te oven pokinde opral. Vaš i media andi madžoritarno čhib, o granto šaj te učharel o pokinipe le salarurjengo thaj transportoske pokinimata, te si relevanto. Totalo, o NewsSpectrum adžukerel pes te del €480,000 granturja vaš e stipendie ando 2021.

Te šaj keren aplikacia, le mediake profesionisturja save si interesime trebal te drabaren i sasti deskripcia, e kondicie thaj le alosarimaske kriterie thaj le aplikaciake instrukcie kaj si ando websito katar o NewsSpectrum. E aplikacie treban bišalde andi anglikani čhib. E aplikanturja si zoraleste mangle te roden jekh raportosko partenero vaj hosto organizacia anglal te keren i aplikacia. Vi kadja, le projektoske partenerja o NewsSpectrum si putarde te keren konekcia andar e godjale aplikanturja ke lačhe hosto organizacie te trebala.

Le mediake manuša si te oven alosarde katar jekh slekciako komiteto kerdo andar 5 membrurja kaj si independento eksperturja. O programo del pesko lav te arakhel zoraleste i editorialo independenca savore manušengi kaj si te len granto.

Pal amende 

O NewsSpectrum si jekh khetani iniciativa le Institutoski vaš i Internacionalo Presa (IPI) thaj i Evropuni Asociacia vaš Diveseske Nevimatenge Lila ande Minoritarno thaj Regionalo Čhibja (MIDAS). Le Evropako Romano Instituto vaš Arte thaj Kultura (ERIAC) si džutimasko partenero.

O NewsSpectrum si jekh nevo programo kerdo te zorjarel le butjako parteneriato maškar i media andi minoritarno čhib, vi i media andi migranturjengi čhib thaj i media andi madžoritarno čhib andar o EU. E stipendie katar o NewsSpectrum mangen te barjaren i kooperacia maškar e duj grupurja thaj te džutisaren i media andi minoritarno čhib pe lungo vrjama sar vašno membrurja vaš jekh slobodo thaj pluralistikani societeta andi Evropaki Unia. Sa kadja von mangen te džutisaren i media kaj raportisarel prindžarindos mišto e minoritarno butja thaj kaj thol andre e perspektive le reprezentanturjenge katar e minoritarno grupurja ande mediake nevimata.

O programo NewsSpectrum si jekh kotor pokindo sar projekto piloto katar le Evropaki Komisia (DG Connect) thaj lel aver finacialo suporto vi katar o ERIAC. Neve parteneriaturja si te oven phende kana si te oven konfirmisarde.

Pučimata?

Zorjaras le aplikanturjen kaj si len intereso te džan po websito NewsSpectrum thaj amari palpale phenimatengi pagina kana keren i aplikacia. Kana inke si tumen pučimata, rugisaras tumen te roden amen.

Kontakturja

Josh LaPorte (IPI): [email protected]

Anna-Kira Pirhofer (MIDAS): [email protected]

Na xasaren e palutne nevimata! Xramosaren tumen vaš le nevimasko lil NewsSpectrum.


The NewsSpectrum programme is co-funded by the European Commission within the framework of the pilot project “Internship opportunities for Minority Language Media”, with additional financial support from ERIAC. Further partnerships will be announced as they are confirmed.

(Photo by Finn Hackshaw on Unsplash)